याम्बु । ‘तिम्रो साथ, मेरो हात’ म्युजिक भिडियो सार्वजनिक भएको छ । सो म्युजिक भिडियोमा नयाँ पुस्ताका मोडल मिना लामा र नायक सागर घिसिङको रोमान्टिक अभिनय हेर्न सकिन्छ ।
कविन्द्र तामाङको शब्द, संगीत र स्वर रहेको छ । उनलाई गायिका अस्मिता अधिकारीले साथ दिएकी छिन् ।
शुक्रबार एक कार्यक्रमकाबीच उक्त म्युजिक भिडियो सार्वजनिक गरिएको हो ।
मोडल मिना लामाले बुबाको सपना पूरा गर्न कला क्षेत्रमा लागेको बताइन । बुबाले नाच्न सिकाएको उनले सुनाइन । उहाँकै सम्झनामा यो गीत तयार भएको मिनाले बताइन ।
गायक तामाङले गीतसङ्गीतमा अगाडि बढ्न र बढाउन सबैको साथ सहयोग आवश्यक रहेको बताए । कार्यक्रममा मोडल सागर घिसिङले काम गर्ने इन्टायर्स टिमले गर्दा आज गीत बजार ल्याउन सफल भएको बताए ।
छायांकन बिक्रम लामा मोक्तान र कलर ग्रेडिङ राजेन्द्र मोक्तानले गरेका छन् ।
